ગુજરાતમાંથી ચોમાસાની વિદાય! છેલ્લા 24 કલાકમાં માત્ર 3 તાલુકામાં છાંટા વરસ્યા

હવે મેઘરાજાએ રાજ્યમાંથી વિદાય લીધી હોય તેવી સ્થિતિ જોવા મળી રહી છે. કારણ કે, છેલ્લા 24 કલાકમાં માત્ર 3 તાલુકામાં છાંટા વરસ્યા છે.  ગુજરાતમાં ઓગસ્ટ મહિનામાં મેઘરાજાએ ધૂમ મચાવી દીધી છે. સમગ્ર રાજ્યમાં મેઘરાજાની સવારી પહોંચી હતી. કેટલાક જિલ્લાઓમાં તો ભારે વરસાદને કારણે પૂરની સ્થિતિ સર્જાઈ હતી. ત્યારે હવે મેઘરાજાએ રાજ્યમાંથી વિદાય લીધી હોય તેવી સ્થિતિ જોવા મળી રહી છે. કારણ કે, છેલ્લા 24 કલાકમાં માત્ર 3 તાલુકામાં છાંટા વરસ્યા છે. સુરતના બારડોલીમાં 3 મીમી અને મહુવામાં 2 મીમી જ્યારે ભરૂચના વાલિયામાં 2 મીમી વરસાદ વરસ્યો છે.આજે હવામાન વિભાગ દ્વારા ગીર સોમનાથ, અમરેલી, ભાવનગર, છોટા ઉદેપુર, નર્મદા, સુરત, તાપી, નવસારી, ડાંગ, વલસાડમાં હળવો વરસાદની સંભાવના વ્યક્ત કરી છે. જ્યારે કચ્છ, મોરબી, જામનગર, દેવભૂમિ દ્વારકા, પોરબંદર, રાજકોટ, જૂનાગઢ, સુરેન્દ્રનગર, બોટાદ, અમદાવાદ, ગાંધીનગર, મહેસાણા, પાટણ, બનાસકાંઠા, સાબરકાંઠા, અરવલ્લી, મહીસાગર, ખેડા, આણંદ, ભરૂચ, વડોદરા, પંચમહાલ, દાહોદમાં વરસાદની શક્યતા નથી.