મહારાષ્ટ્રના પૂર્વ મંત્રી નવાબ મલિકની તબિયત નાદુરસ્ત, હોસ્પિટલમાં સારવાર હેઠળ...  

એનસીપી શરદ પવારના નેતા નવાબ મલિકની તબિયત અચાનક બગડી હતી. શ્વાસ લેવામાં તકલીફ થવાને કારણે તેમને હોસ્પિટલમાં દાખલ કરવામાં આવ્યા છે. તેમની કુર્લાની કીર્તિકર હોસ્પિટલમાં સારવાર ચાલી રહી છે.

વાસ્તવમાં નવાબ મલિકને શ્વાસ લેવામાં તકલીફ થતાં તેઓને સારવાર માટે હોસ્પિટલમાં દાખલ કરવામાં આવ્યા છે. તમને જણાવી દઈએ કે, તેમને લગભગ 10.30 વાગ્યે હોસ્પિટલમાં દાખલ કરવામાં આવ્યા છે.

રાષ્ટ્રવાદી કોંગ્રેસ પાર્ટી (NCP)ના નેતા નવાબ મલિકને પણ તબીબી આધાર પર મની લોન્ડરિંગ કેસમાં વચગાળાના જામીન આપવામાં આવ્યા હતા. સુપ્રીમ કોર્ટે જામીન છ મહિના માટે લંબાવ્યા હતા. એન્ફોર્સમેન્ટ ડિરેક્ટોરેટ (ED) તરફથી હાજર થયેલા એડિશનલ સોલિસિટર જનરલ એસ.વી. રાજુએ આના પર આપત્તિ નહોતી વ્યક્ત કરી.