શ્રાવણના સોમવારે દર્દનાક દુર્ઘટના, હાઈપરટેન્શન વાયર અડકતા 8 કાવડિયોના મોત...

શ્રાવણના સોમવારે બિહારના હાજીપુરથી એક દુ:ખદ સમાચાર સામે આવ્યા છે. બિહારના હાજીપુરમાં જલાભિષેક કરવા જઈ રહેલા ભક્તોનું વાહન હાઈ ટેન્શન વાયર સાથે અથડાયું હતું. જેના કારણે વીજ શોક લાગવાથી 8 લોકોના મોત થયા છે. ગ્રામજનોએ આ ઘટના માટે વિજળી વિભાગ પર બેદરકારીનો આરોપ લગાવ્યો હતો અને જ્યારે SDM અને પોલીસ અધિકારીઓ ઘટનાસ્થળે પહોંચ્યા ત્યારે ગ્રામજનોએ હોબાળો મચાવ્યો હતો.

આ અકસ્માત હાજીપુર ઈન્ડસ્ટ્રીયલ પોલીસ સ્ટેશન વિસ્તારના સુલતાનપુરમાં થયો હતો. અહીં શ્રાવણ મહિનામાં ગામના છોકરાઓ દર સોમવારે નજીકના હરિહરનાથ મંદિરમાં જલાભિષેક કરવા જતા હતા. રવિવારે રાત્રે પણ છોકરાઓ જલાભિષેક માટે નીકળ્યા હતા. આ છોકરાઓએ પ્રવાસ માટે ટ્રેક્ટર-ટ્રોલી પર ડીજેની પણ વ્યવસ્થા કરી હતી. આ ગામમાં રોડ ઉબડખાબડ હોવાને કારણે ટ્રેક્ટર ટ્રોલી રોડ ઉપરથી પસાર થતી હાઇ ટેન્શન લાઇન સાથે અથડાઇ હતી. ઈલેક્ટ્રીક કરંટને કારણે ટ્રોલી પર સવાર છોકરાઓ દાઝી ગયા અને અરાજકતા દરમિયાન ઘણા લોકો વીજ કરંટ લાગ્યા. જેના કારણે 8 લોકોના ઘટનાસ્થળે જ મોત થયા હતા.

• અધિકારીઓ પહોંચ્યા ત્યારે ગ્રામજનોએ મચાવ્યો હોબાળો

આ દુર્ઘટનાના સમાચાર મળતા જ મોટી સંખ્યામાં પોલીસ દળો સાથે SDM પહોંચ્યા, સ્થાનિક લોકોએ હોબાળો મચાવ્યો હતો. સ્થાનિક લોકોનો આક્ષેપ છે કે વીજ વિભાગની બેદરકારી અકસ્માતનું કારણ બની છે અને અકસ્માત બાદ સતત માહિતી આપવા છતાં વીજ વિભાગે કોઈ પગલાં લીધાં નથી કે સમયસર વીજળી કાપી નથી. પોલીસ અને વહીવટી અધિકારીઓના આગમન બાદ પણ મોડી રાત સુધી મૃતકોના મૃતદેહ ઘટનાસ્થળે જ પડ્યા હતા.

આ તરફ ગામના રહેવાસી ધર્મેન્દ્ર કુમાર પાસવાને કહ્યું કે, આ ઘટના બન્યા બાદ અમે વિસ્તારના ઈલેક્ટ્રીશિયનોને ફોન કર્યો પરંતુ કોઈએ ફોન ઉપાડ્યો નહીં. અમે વાત કરી તો તેણે પોલીસને જણાવવાનું કહ્યું. અહીં આઠ લોકોના મોત થયા છે. વૈશાલીના SP પ્રભારીએ જણાવ્યું કે, આ લોકો ડીજે સાથે બાબા ધામ જઈ રહ્યા હતા. જે 11 હજાર હાઈ ટેન્શન વાયરની ચપેટમાં આવી ગયા હતા જેમાં આઠ લોકોના મોત થયા હતા.