સૂર્યગ્રહણ દરમિયાન ISROનું આદિત્ય-L1 શું  ચમત્કાર કરશે.?

તમને જણાવી દઈએ કે આ વર્ષનું પહેલું સૂર્યગ્રહણ 8 એપ્રિલના રોજ એટલે કે આજે  થવાનું છે. 54 વર્ષ પછી પૂર્ણ સૂર્યગ્રહણ થવાનું છે. આ વર્ષનું પ્રથમ સૂર્યગ્રહણ આજ  રોજ થવા જઈ રહ્યું છે. આ સૂર્યગ્રહણ રાત્રે 09:12 વાગ્યે શરૂ થશે અને મંગળવાર, 9 એપ્રિલના રોજ સવારે 02:22 વાગ્યે સમાપ્ત થશે. આ સૂર્યગ્રહણ મીન અને સ્વાતિ નક્ષત્રમાં થશે. સૂર્યગ્રહણનો સુતક સમયગાળો 12 કલાક પહેલા શરૂ થાય છે. આ આધારે, સૂર્યગ્રહણનો સૂતક સમયગાળો  આજ  રોજ સવારે 9:12 વાગ્યાથી શરૂ થવો જોઈએ. પરંતુ આ સૂર્યગ્રહણ ભારતમાં દેખાશે નહીં. આ કારણે સૂર્યગ્રહણનો સુતક કાળ માન્ય રહેશે નહીં.

જ્યારે સંપૂર્ણ સૂર્યગ્રહણ દરમિયાન, સમગ્ર વિશ્વમાં અંધકાર હશે અને સૂર્ય, ચંદ્ર અને પૃથ્વી એક જ લાઇનમાં હશે… ત્યારે ભારતનો આદિત્ય L1 તેની અજાયબીઓ બતાવશે. હા, ઇસરોનું આદિત્ય L1 આજ ના  રોજ પૂર્ણ સૂર્યગ્રહણ દરમિયાન સૂર્યના વર્તન અને કિરણોનું નિરીક્ષણ કરશે. આ સમય દરમિયાન, સૂર્ય થોડા સમય માટે ચંદ્રથી સંપૂર્ણપણે ઢંકાઈ જશે, જેના કારણે ઘણા દેશોમાં સંપૂર્ણ અંધકારની ક્ષણ હશે.સૂર્ય કુલ ચાર મિનિટ સુધી ઢંકાયેલો રહેશે, જે દરમિયાન તેનું રહસ્યમય બાહ્ય પડ પ્રકાશિત રહેશે. તમને જણાવી દઈએ કે જ્યારે ચંદ્ર સૂર્ય અને પૃથ્વીની વચ્ચેથી પસાર થાય છે અને સૂર્યના ચહેરાને સંપૂર્ણપણે ઢાંકી દે છે ત્યારે સંપૂર્ણ સૂર્યગ્રહણ થાય છે.

•  આદિત્ય L1 શું કરશે? સૂર્યગ્રહણ દરમિયાન

ઈસરોએ ગયા વર્ષે જ આદિત્ય એલ1 લોન્ચ કર્યો હતો. આ વર્ષની શરૂઆતમાં, 6 જાન્યુઆરીએ, તેના લોન્ચિંગના ચાર મહિના પછી, આદિત્ય-L1 લેગ્રેન્જ પોઈન્ટ 1 (L1 પોઈન્ટ) પર પહોંચ્યો હતો. આદિત્ય L1 મિશન છ સાધનોથી ભરેલું છે કારણ કે તે પૃથ્વીથી 1.5 મિલિયન કિલોમીટર દૂર આવેલા લેગ્રેન્જ પોઈન્ટ પરથી સૂર્યને ટ્રેક કરે છે અને તેનું અવલોકન કરે છે. આદિત્ય L1 સૂર્યગ્રહણ દરમિયાન સૂર્યને ટ્રેક કરવા માટે તેના છમાંથી બે સાધનોનો ઉપયોગ કરશે. આ બે સાધનો છે વિઝિબલ એમિશન લાઈન કોરોનાગ્રાફ (VELC) અને સોલર અલ્ટ્રાવાયોલેટ ઇમેજિંગ ટેલિસ્કોપ (SUIT).એચટી રિપોર્ટ અનુસાર, આદિત્ય એલ1, જે ભારતીય અવકાશ સંશોધન સંસ્થા (ઇસરો)નું પ્રથમ સૌર મિશન છે, તે કુલ સૂર્યગ્રહણ દરમિયાન સૂર્યને ટ્રેક કરવાની સ્થિતિમાં છે. આદિત્ય L1 સૂર્યગ્રહણ દરમિયાન સૂર્ય પર નજર રાખશે અને આ સમયગાળા દરમિયાન સૂર્યના વર્તનને સમજવાનો પ્રયાસ કરશે. આનાથી ISROને તારાના રંગમંડળ અને કોરોનાનો અભ્યાસ કરવામાં મદદ મળશે, જે તારાના વાતાવરણનું સૌથી બહારનું સ્તર છે.