ભારતની મોટી જીત: કતારમાં મૃત્યુદંડની સજા પામેલા ભારતીય નાગરિકો ભારત પરત ફર્યા....

ભારતની મોટી કૂટનીતિક જીત. કતારે આઠ ભારતીય ભૂતપૂર્વ મરીનને મુક્ત કર્યા છે.  ભારતના વિદેશ મંત્રાલય (MEA) એ સોમવારે જણાવ્યું હતું કે કતારમાં ધરપકડ અને ફાંસીની સજા પામેલા આઠ ભારતીય નાગરિકોને મુક્ત કરાવી લેવાયા છે અને તેમાંથી સાત ભારત પરત પણ આવી ચૂક્યા છે. આ ભારતીયોની ઓગસ્ટ 2022 માં કતારમાં ધરપકડ કરવામાં આવી હતી. તેમનો શું ગુનો કે વાંક હતો તેનો પણ ઉલ્લેખ નહોતો કરાયો. 

તેમેણે વધુમાં કહ્યું હતું કે' વિદેશ મંત્રાલયે કહ્યું હતું કે "ભારત સરકાર કતારમાં અટકાયત લેવામાં આવેલા દહરા ગ્લોબલ કંપની માટે કામ કરતા આઠ ભારતીય નાગરિકોની મુક્તિના નિર્ણયનું સ્વાગત કરે છે. તે આઠમાંથી સાત ભારત પરત ફર્યા છે. અમે આ નાગરિકોની મુક્તિ અને ઘર વાપસીને સક્ષમ કરવાના કતારના અમીરના નિર્ણયનું સ્વાગત કરીએ છીએ.

ભારત પરત ફરેલા નૌકાદળના એક ભૂતપૂર્વ અધિકારીએ કહ્યું હતું કે વડા પ્રધાન નરેન્દ્ર મોદીના હસ્તક્ષેપ વિના તેમની મુક્તિ શક્ય ન હોત. દિલ્હી એરપોર્ટ પર ઉતર્યા બાદ તેમણે 'ભારત માતા કી જય'ના નારા લગાવ્યા હતા. તમામ પૂર્વ અધિકારીઓએ પીએમ મોદી અને કતારના અમીરનો પણ આભાર માન્યો હતો. એક ભૂતપૂર્વ અધિકારીએ કહ્યું કે ભારત સરકારના પ્રયત્નો વિના તેમની મુક્તિ શક્ય ન હોત.

ભૂતપૂર્વ ભારતીય મરીન, જેમણે અલ્દહરા ગ્લોબલ ટેક્નોલોજીસ અને કન્સલ્ટન્સી સર્વિસિસ સાથે કામ કર્યું હતું, તેમની ભ્રષ્ટાચાર અને જાસૂસી કેસમાં કથિત સંડોવણી બદલ ધરપકડ કરવામાં આવી હતી. ભારત સરકારે આ બાબતને ગંભીરતાથી લીધી અને કતાર સાથે વાતચીત કર્યા બાદ તેમને કાયદાકીય મદદ આપવામાં આવી. 26 ઓક્ટોબરના રોજ, કતારની કોર્ટે ઓગસ્ટ 2022 માં ધરપકડ કરાયેલા આઠ ભારતીય નાગરિકોને મૃત્યુદંડની સજા ફટકારી હતી. જો કે, કતાર પ્રશાસન કે ભારત સરકારે તે અધિકારીઓ સામેના આરોપોને જાહેર કર્યા નથી. જ્યારે મૃત્યુદંડના સમાચાર વૈશ્વિક હેડલાઇન્સ બન્યા, ત્યારે ભારતે ચુકાદાને "આઘાતજનક" ગણાવ્યો અને આ કેસમાં તમામ કાનૂની વિકલ્પોને અનુસરવાનું નક્કી કર્યું.

• કતારમાંથી મુક્ત કરાયેલા આઠ ભૂતપૂર્વ મરીન કોણ છે?

આઠ ભૂતપૂર્વ ભારતીય નૌકાદળના કર્મચારીઓ - કેપ્ટન નવતેજ સિંહ ગિલ, કેપ્ટન સૌરભ વશિષ્ઠ, કમાન્ડર પૂર્ણેન્દુ તિવારી, કેપ્ટન બિરેન્દ્ર કુમાર વર્મા, કમાન્ડર સુગુનાકર પાકલા, કમાન્ડર સંજીવ ગુપ્તા, કમાન્ડર અમિત નાગપાલ અને નાવિક રાગેશ - અલ્દહરા ગ્લોબલ વા ટેક્નોલોજીમાં કામ કરી રહ્યા છે. કન્સલ્ટન્સી, જે સેવાઓ અને સંરક્ષણ સેવાઓ પ્રદાન કરતી કંપની છે.