વિશ્વમાં તબીબી ઉપકરણો, રાશન સહિતની દરેક વસ્તુની નિકાસ કર્યા બાદ ભારત હવે બ્રહ્મોસ મિસાઈલ જેવી ઉત્તમ શસ્ત્ર પ્રણાલીઓનું પણ વેચાણ કરશે. DRDOના અધ્યક્ષ ડૉ. સમીર વી. કામતે આ માહિતી આપી છે. તેમણે ગુરુવારે કહ્યું કે, ભારત આગામી 10 દિવસમાં બ્રહ્મોસ સુપરસોનિક ક્રૂઝ મિસાઇલની ગ્રાઉન્ડ સિસ્ટમની નિકાસ શરૂ કરશે. આ પછી આ વર્ષે માર્ચથી ક્રૂઝ મિસાઈલની નિકાસ પણ શરૂ થવાની છે. તેમણે કહ્યું કે, અમે ફિલિપાઈન્સમાં ઘણા હથિયારોની નિકાસ કરી છે. હવે કેટલાક અન્ય દેશો પણ તેની નિકાસની માંગ કરી રહ્યા છે.
2023માં પણ ભારતે સંરક્ષણ નિકાસમાં તમામ રેકોર્ડ તોડી નાખ્યા હતા. ભારતે વિશ્વના દેશોને લગભગ 16 હજાર કરોડ રૂપિયાના શસ્ત્રો વેચ્યા હતા. આ અત્યાર સુધીનો સૌથી મોટો આંકડો હતો. આ પહેલા 2022માં પણ 13 હજાર કરોડ રૂપિયાના હથિયારોની ડીલ થઈ હતી. ભારતમાં સંરક્ષણ ઉત્પાદન પણ ઐતિહાસિક સ્તરે પહોંચી ગયું છે. આંકડાઓ અનુસાર, ભારતમાં પહેલીવાર 1 લાખ કરોડ રૂપિયાનું સંરક્ષણ ઉત્પાદન થયું છે.
ડો.સમીર કામતે કહ્યું કે, આગામી કેટલાક વર્ષોમાં આપણા તમામ શસ્ત્રો વિદેશી સેનાઓમાં હશે. આ ઉપરાંત આકાશ મિસાઈલ, અર્જુન ટેન્ક, હળવા એરક્રાફ્ટ જેવા વિવિધ સંરક્ષણ સાધનોની પણ નિકાસ કરવામાં આવશે. ઘણા દેશોએ પણ આમાં રસ દાખવ્યો છે. ઉલ્લેખનીય છે કે ભારત આર્મેનિયા જેવા દેશોમાં પહેલાથી જ હથિયારોની નિકાસ કરી રહ્યું છે. ભારતના સંરક્ષણ ક્ષેત્ર માટે આ એક મોટી છલાંગ છે, જે અત્યાર સુધી પોતાની જરૂરિયાતો માટે પણ આયાત કરતું હતું. હવે, તેનાથી વિપરિત મોટા પાયે નિકાસ સફળતા છે.
તેમણે ઉમેર્યું કે, અમે 10 દિવસની અંદર બ્રહ્મોસની ગ્રાઉન્ડ સિસ્ટમ ફિલિપાઈન્સમાં મોકલીશું. આ પછી માર્ચ સુધીમાં મિસાઈલ પણ મોકલવામાં આવશે. સમીર કામતે કહ્યું, 'લગભગ રૂ. 4.94 લાખ કરોડના મૂલ્યના DRDO ઉત્પાદનો માટે રસ દર્શાવવામાં આવ્યો છે. અમને પહેલા કરતા વધુ ઓર્ડર મળ્યા છે અને અમે ઝડપથી આગળ વધી રહ્યા છીએ. છેલ્લા 5 વર્ષની સરખામણીમાં આ સંખ્યામાં ઝડપથી વધારો થયો છે. મારો અંદાજ છે કે, અત્યાર સુધીની કુલ નિકાસમાંથી લગભગ 70 ટકા શસ્ત્રોની નિકાસ છેલ્લા 5 થી 7 વર્ષમાં જ થઈ છે.
.jpg)
.jpg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpg)
.jpeg)
.jpeg)
.jpg)
.jpg)
.jpg)
.jpg)
.jpg)
.jpeg)
.jpeg)
 copy.jpg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
