શેર બજારમાં રોનક પરત ફરી,આજના કારોબારમાં મિડકેપ અને સ્મોલકેપ શેરોએ જોરદાર કમબેક કર્યુ હતું....

ગુરુવારના સત્રમાં શેરબજારમાં અદભૂત ઉછાળાને કારણે રોકાણકારોની સંપત્તિમાં 8 લાખ કરોડ રૂપિયાનો વધારો થયો છે, જે બુધવારે ઘટીને 14 લાખ કરોડ રૂપિયા ઘટી ગયો હતો.. BSE પર લિસ્ટેડ શેરોનું માર્કેટ કેપ રૂ. 380.16 લાખ કરોડ પર બંધ થયું હતું, જે છેલ્લા ટ્રેડિંગ સેશનમાં રૂ. 372.11 લાખ કરોડ હતું

આજના કારોબારમાં મિડકેપ અને સ્મોલકેપ શેરોએ જોરદાર કમબેક કર્યુ હતું.  નિફ્ટી મિડકેપ ઈન્ડેક્સ 930 પોઈન્ટ અથવા 2.02 ટકાના વધારા સાથે બંધ થયો છે. જ્યારે સ્મોલકેપ ઈન્ડેક્સ 500 પોઈન્ટના ઉછાળા સાથે બંધ થયો હતો. જો કે સવારના ઘટાડાના સ્તર પરથી જોવામાં આવે તો મિડકેપ ઈન્ડેક્સમાં 1600 પોઈન્ટથી વધુ અને સ્મોલકેપ ઈન્ડેક્સમાં 700 પોઈન્ટની નીચી સપાટીથી રિકવરી જોવા મળી છે. આજના કારોબારમાં આઈટી, ફાર્મા, એફએમસીજી, એનર્જી, ઈન્ફ્રા, કન્ઝ્યુમર ડ્યુરેબલ્સ, હેલ્થકેર અને ઓઈલ એન્ડ ગેસ સેક્ટરના શેર ઉછાળા સાથે બંધ થયા છે. માત્ર બેન્કિંગ શેરોમાં ઘટાડો નોંધાયો હતો. સેન્સેક્સના 30 શેરોમાંથી 18 શેર ઉછાળા સાથે અને 12 નુકસાન સાથે બંધ થયા હતા. જ્યારે નિફ્ટીના 50 શૅર્સમાંથી 35 શૅર્સ લાભ સાથે અને 15 ઘટાડા સાથે બંધ થયા હતા.

શેરબજારમાં ગઈકાલે જોરદાર ઘટાડો જોવા મળ્યો હતો. BSE સેન્સેક્સમાં લગભગ 1100 પોઈન્ટ્સનો ઘટાડો થયો હતો. નિફ્ટી પણ એક ટકાથી વધુ તૂટ્યો હતો. બજારમાં આ ઘટાડાને કારણે BSE લિસ્ટેડ કંપનીઓનું માર્કેટ કેપ રૂ. 12 લાખ કરોડ ઘટીને રૂ. 373 લાખ કરોડ થયું હતું. ડિસેમ્બર 2022 પછી એક દિવસમાં આ સૌથી મોટો ઘટાડો હતો. બજારના આ ઘટાડાથી રોકાણકારોને ભારે નુકસાન થયું હતું. ભારતીય નાણાકીય સંસ્થાઓએ પણ તેનો લાભ લીધો. બજારના આ ઘટાડા વચ્ચે ભારતીય નાણાકીય સંસ્થાઓએ શેરની રેકોર્ડ ખરીદી કરી છે. શેરબજારમાં ગઈ કાલે ઘટાડો જોવા મળ્યો હતો ત્યારે આજે સારો ઉછાળો જોવા મળી રહ્યો છે. આજે સવારથી સેન્સેક્સ અને નિફ્ટી લીલા નિશાનમાં કારોબાર કરી રહ્યા છે. બજારમાં આજે રોકાણકારોની સારી ખરીદી જોવા મળી રહી છે.

• બજારમાં તેજી આવી

ગઈકાલે એટલે કે બુધવારે ઘટાડા બાદ આજે બજારમાં સુધારો જોવા મળ્યો છે. બજારમાં આજે તેજી જોવા મળી રહી છે. નાની કંપનીઓના ઇન્ડેક્સે ડિસેમ્બર 2022 પછી સૌથી વધુ 2.9% નો વધારો નોંધાવ્યો છે. જો કે, આ ઇન્ડેક્સ હજુ પણ સુધારાની સ્થિતિમાં છે. તે ફેબ્રુઆરીમાં તેના ઉચ્ચ સ્તરથી લગભગ 10 ટકા નીચે છે. નાના શેરોના ઓવરવેલ્યુએશન પર રેગ્યુલેટરની ચિંતા વચ્ચે સેલ્સઓફથી બુધવારથી બે અઠવાડિયામાં નાના શેરોનું મૂલ્ય $80 બિલિયન અથવા ₹6,000 કરોડથી વધુ ઘટી ગયું છે.