આરટીઆઈના દાયરામાં ઈલેક્ટોરલ બોન્ડ અને રાજકીય પક્ષોના ફંડિંગ વિશે માહિતી આપવી જરૂરી છે - સુપ્રીમ કોર્ટ...

ઈલેક્ટોરલ બોન્ડ પર સુપ્રીમ કોર્ટે મહત્વનો નિર્ણય સંભળાવ્યો છે. CJI DY ચંદ્રચુડની આગેવાની હેઠળની 5 જજોની બંધારણીય બેંચે કહ્યું કે દેશના નાગરિકોને એ જાણવાનો અધિકાર છે કે સરકારના પૈસા ક્યાંથી આવે છે અને ક્યાં જાય છે. સુપ્રીમ કોર્ટની બંધારણીય બેંચે કહ્યું કે કોર્ટ માને છે કે અનામીચૂંટણી બોન્ડ માહિતી અધિકાર (RTI) અને કલમ 19(1)(A)નું ઉલ્લંઘન છે. બંધારણીય બેંચમાં મુખ્ય ન્યાયાધીશ ડીવાય ચંદ્રચુડની સાથે જસ્ટિસ સંજીવ ખન્ના, જસ્ટિસ બીઆર ગવઈ, જસ્ટિસ જેબી પારડીવાલા અને જસ્ટિસ મનોજ મિશ્રાનો સમાવેશ થાય છે.

ઈલેક્ટોરલ બોન્ડની માન્યતાને સુપ્રીમ કોર્ટમાં પડકારવામાં આવી હતી. CJI ચંદ્રચુડે આ કેસમાં ચુકાદો વાંચ્યો. CJIએ કહ્યું કે અમારી સામે સવાલ એ હતો કે શું રાજકીય પક્ષોના ફંડિંગને પણ RTI હેઠળ આવરી લેવામાં આવશે? CJI ચંદ્રચુડે કહ્યું કે અમારી (બંધારણ બેંચ) પાસે બે મત છે, પરંતુ નિષ્કર્ષ એક જ છે. સર્વોચ્ચ અદાલતકહ્યું કે નાગરિકોને એ જાણવાનો અધિકાર છે કે સરકારના પૈસા ક્યાંથી આવે છે અને ક્યાં જાય છે?

CJI DY ચંદ્રચુડે કહ્યું કે સુપ્રીમ કોર્ટમાં દાખલ કરવામાં આવેલી અરજીઓમાં બે સવાલો ઉઠાવવામાં આવ્યા છે. પહેલું એ છે કે ઈલેક્ટોરલ બોન્ડમાં કરાયેલા સુધારા એ બંધારણની કલમ 19(1)(A) હેઠળ માહિતીના અધિકારનું ઉલ્લંઘન છે. બીજું, શું અમર્યાદિત કોર્પોરેટ ફંડિંગ મુક્ત અને ન્યાયી ચૂંટણીના સિદ્ધાંતની વિરુદ્ધ નથી?