મુસ્લિમ પણ નાગરિકતા માટે અરજી કરી શકે છે', અમિત શાહે CAA વિશે બીજું શું કહ્યું?

CAA અંગે કેન્દ્રની સૂચના બાદથી વિપક્ષે સરકાર પર આક્રમક વલણ અપનાવ્યું છે. બીજી તરફ સરકાર સ્પષ્ટપણે કહે છે કે કોઈ ગમે તે કરે, આ કાયદો પાછો ખેંચવાનો નથી. આજે એક ઈન્ટરવ્યુમાં કેન્દ્રીય ગૃહમંત્રી અમિત શાહે પણ CAAમાં મુસ્લિમોને સામેલ ન કરવા પાછળનું કારણ આપ્યું હતું.નાગરિકતા સંશોધન અધિનિયમ (CAA) અંગે કેન્દ્રની સૂચના બાદથી વિપક્ષે સરકાર પર આક્રમક વલણ અપનાવ્યું છે. બીજી તરફ સરકાર સ્પષ્ટપણે કહે છે કે કોઈ ગમે તે કરે, આ કાયદો પાછો ખેંચવાનો નથી.

મુસ્લિમો પણ અરજી કરી શકે છે

આજે એક ઇન્ટરવ્યુમાં કેન્દ્રીય ગૃહ પ્રધાન અમિત શાહ એ પણ CAAમાં મુસ્લિમોને સામેલ ન કરવા માટેનું કારણ આપ્યું. જો કે, તેમણે કહ્યું કે જો તેઓ હજુ પણ ભારતીય નાગરિકતા ઈચ્છે છે, તો તેઓ બંધારણીય માધ્યમથી તેના માટે અરજી કરી શકે છે.CAAમાં સમાવેશ ન કરવા માટેનું કારણ આપવામાં આવ્યું છે શાહે કહ્યું કે CAAમાં મુસ્લિમોનો સમાવેશ કરવામાં આવ્યો નથી કારણ કે પાકિસ્તાન, અફઘાનિસ્તાન અને બાંગ્લાદેશ ઇસ્લામિક રાજ્યો છે. તો પછી મુસ્લિમો ત્યાં ધાર્મિક લઘુમતી કેવી રીતે હોઈ શકે?

શાહે પશ્ચિમ બંગાળના સીએમ મમતા બેનર્જીના CAA અંગેના નિવેદન પર વળતો પ્રહાર કર્યો છે. વાસ્તવમાં, મમતાએ કહ્યું હતું કે તે તેમના રાજ્યમાં CAA લાગુ થવા દેશે નહીં. તેના પર શાહે કહ્યું કે વિપક્ષ પણ જાણે છે કે INDI એલાયન્સ સત્તામાં આવવાનું નથી. CAA કાયદો વડાપ્રધાન મોદીના નેતૃત્વમાં ભાજપ સરકાર દ્વારા લાવવામાં આવ્યો છે, તેને રદ્દ કરવો અશક્ય છે.

શાહે કહ્યું કે નાગરિકતા એ કેન્દ્રીય મુદ્દો છે અને કોઈપણ રાજ્ય સરકાર CAAને રદ કરી શકે નહીં. એટલા માટે આ બધા વિપક્ષી લોકો માત્ર નિવેદનો કરી રહ્યા છે. શાહે કહ્યું કે હું મમતા બેનર્જીને ખુલ્લી ચેલેન્જ આપું છું કે જો આ કાયદામાં કોઈ એવી કલમ છે જે કોઈની નાગરિકતા છીનવી લે છે તો તે જણાવે. તેમણે કહ્યું કે મમતા માત્ર ડર પેદા કરી રહી છે અને હિંદુ-મુસ્લિમ વચ્ચે સંઘર્ષ ઉભો કરવા માંગે છે.

મોદીની દરેક ગેરંટી પૂરી થાય છે: અમિત શાહ

ગૃહમંત્રીએ કહ્યું, વિપક્ષ પાસે બીજું કોઈ કામ નથી. તેમણે એમ પણ કહ્યું હતું કે સર્જિકલ સ્ટ્રાઈક અને એર સ્ટ્રાઈકમાં પણ રાજકીય ફાયદો છે, તો શું આપણે આતંકવાદ વિરુદ્ધ કાર્યવાહી ન કરવી જોઈએ? વિપક્ષે તો કલમ 370 હટાવવાને રાજકીય લાભ સાથે પણ જોડ્યો હતો. અમે 1950થી કહી રહ્યા છીએ કે અમે કલમ 370 હટાવીશું. તેમનો ઈતિહાસ છે કે તેઓ બોલે છે પણ કરતા નથી, મોદીજીનો ઈતિહાસ છે કે BJP કે PM મોદીએ જે કંઈ પણ કહ્યું તે પથ્થની લકીર છે. મોદીની દરેક ગેરંટી પૂરી થાય છે.