અજીત પવારનું દુઃખ છલકાયું કહ્યું જો હું શરદ પવારનો દીકરો હોત તો…  

મહારાષ્ટ્રના નાયબ મુખ્યપ્રધાન અજિત પવારે તેમના કાકા શરદ પવાર પર નિશાન સાધ્યું હતું. તેમણે કહ્યું કે જો તેઓ કોઈ વરિષ્ઠ નેતાના પુત્ર હોત તો સરળતાથી રાષ્ટ્રવાદી કોંગ્રેસ પાર્ટી (NCP)ના અધ્યક્ષ બની શક્યા હોત. શરદ પવારના વફાદાર ગણાતા પૂર્વ રાજ્ય મંત્રી જિતેન્દ્ર આવ્હાડે પણ આ નિવેદન પર વળતો પ્રહાર કર્યો હતો. તેમણે કહ્યું કે અજિત જો શરદ પવારના ભત્રીજા ન હોત તો મહારાષ્ટ્રના રાજકારણમાં આટલી ઝડપથી ઉભરી ન શક્યા હોત.

રાષ્ટ્રવાદી કોંગ્રેસ પાર્ટીને લઈને સામસામે આવેલા શરદ પવાર અને અજિત પવાર વચ્ચેનો અણબનાવ હજુ પણ ચાલુ છે. મહારાષ્ટ્રના નાયબ મુખ્યમંત્રી અજિત પવારનું તેમના કાકા એટલે કે શરદ પવારને લઈને એક નવું નિવેદન સામે આવ્યું છે. તેમણે કહ્યું કે જો તેઓ કોઈ વરિષ્ઠ નેતાના પુત્ર હોત તો સરળતાથી પાર્ટી અધ્યક્ષ બની શક્યા હોત. રાષ્ટ્રવાદી કોંગ્રેસ પાર્ટીના પ્રમુખ અજિત, જેમણે ગયા વર્ષે શરદ પવાર સામે બળવો કર્યો હતો અને શિવસેના-ભાજપ સરકારમાં જોડાયા હતા, તેમણે ભ્રષ્ટાચારના કેસોને કારણે પક્ષ બદલવો પડ્યો હોવાના આરોપને પણ નકારી કાઢ્યો હતો.    

શરદ પવારના વફાદાર ગણાતા પૂર્વ રાજ્ય મંત્રી જિતેન્દ્ર આવ્હાડે પણ અજીતના નવા નિવેદન પર પ્રતિક્રિયા આપી છે. તેમણે કહ્યું કે અજિત જો શરદ પવારના ભત્રીજા ન હોત તો મહારાષ્ટ્રના રાજકારણમાં આટલી ઝડપથી ઉભરી ન શક્યા હોત.પાર્ટીના એક કાર્યક્રમમાં બોલતા અજિત પવારે કહ્યું કે તેમના પર શરદ પવાર દ્વારા બનાવવામાં આવેલી પાર્ટીને ચોરી કરવાનો આરોપ છે. પરંતુ ભારતના ચૂંટણી પંચ અને મહારાષ્ટ્ર વિધાનસભાના અધ્યક્ષે તેમની તરફેણમાં ચુકાદો આપ્યો હતો. આનાથી સાબિત થયું છે કે અજીત જૂથ જ અસલી એનસીપી છે.

અજિત પવારે વધુમાં કહ્યું કે જો તેમણે પાર્ટી અધ્યક્ષ માટે શરદ પવારની પસંદગીને સમર્થન આપ્યું હોત તો તેમની પ્રશંસા થઈ હોત, પરંતુ જ્યારે હું પાર્ટી ચીફ બન્યો ત્યારે અમને નકામા જાહેર કરવામાં આવ્યા હતા. તે બારામતીમાંથી એવા ઉમેદવારને મેદાનમાં ઉતારશે જેણે અગાઉ ક્યારેય ચૂંટણી લડી ન હોય, પરંતુ તે વ્યક્તિ પાસે પૂરતો અનુભવ ધરાવતા સમર્થકો હશે.