સોનાના ભાવમાં ભારે ઘટાડો, ચાંદીમાં પણ મસમોટો કડાકો, જાણો લેટેસ્ટ ભાવ....

સોના અને ચાંદીની ખરીદી કરવા માંગતા હોવ તો તમારા માટે સારા સમાચાર છે. બંનેના ભાવમાં આજે ફરીથી કડાકો જોવા મળ્યો છે. ભારતીય બજારોની સાથે સાથે આંતરરાષ્ટ્રીય બજારમાં પણ સોના અને ચાંદીના ભાવ તૂટ્યા છે. સોનાના ભાવ તો રેકોર્ડ હાઈથી લગભગ 4500 રૂપિયા જેટલા ગગડી ગયા છે. ચાંદી પણ 7000 રૂપિયા સુધી તૂટી છે. 

ઘરેલુ વાયદા બજારમાં સોના અને ચાંદીના ભવ 700-800 રૂપિયા તૂટીને ખુલ્યા. MCX પર સોનું 657 રૂપિયા ગગડીને 70540 રૂપિયા પ્રતિ 10 ગ્રામ પર ટ્રેડ થઈ રહ્યું છે. ચાંદી પણ લગભગ 700 રૂપિયા જેટલી તૂટીને 79858 રૂપિયા પ્રતિ કિલોગ્રામ પર પહોંચી ગઈ છે. 

સોનું રેકોર્ડ સ્તરથી લગભગ 4500 રૂપિયા જટલું ગગડી ગયું છે. જ્યારે સોનું આ મહિને 73,958 રૂપિયાના ઓલ ટાઈમ હાઈને સ્પર્શ્યુ હતું. એ જ રીતે ચાંદી પણ 86,126 રૂપિયા પ્રતિ કિલોગ્રામના રેકોર્ડ હાઈથી 7000 રૂપિયા સુધી ગગડી છે.