દિલ્હીમાં કોંગ્રેસને મોટો ઝટકો,અરવિંદર સિંહ લવલી ભાજપમાં જોડાયા...  

કોંગ્રેસ નેતા અરવિંદર સિંહ લવલી ભાજપમાં જોડાઈ ગયા છે. તેમની સાથે કુલ પાંચ નેતાઓએ ભારતીય જનતા પાર્ટીનું સભ્યપદ લીધું. લવલીએ આ અઠવાડિયે રવિવારે દિલ્હી કોંગ્રેસના અધ્યક્ષ પદ પરથી રાજીનામું આપી દીધું હતું. અન્ય કોઈ પાર્ટીમાં જોડાવાના સવાલ પર તેમણે કહ્યું કે તેમણે માત્ર કોંગ્રેસના દિલ્હી અધ્યક્ષ પદ પરથી રાજીનામું આપ્યું છે. તેઓ પાર્ટી છોડી રહ્યા નથી અને ક્યાંય જઈ રહ્યા નથી. જો કે એક સપ્તાહમાં જ તેમના નિવેદનથી વિપરીત તેઓ ભારતીય જનતા પાર્ટીમાં જોડાઈ ગયા. અરવિંદર સિંહ લવલીએ પ્રદેશ અધ્યક્ષ પદ છોડ્યા બાદ કોંગ્રેસના અન્ય બે નેતાઓએ રાજીનામું આપી દીધું હતું. પૂર્વ ધારાસભ્યો નીરજ બસોયા અને નસીબ સિંહે દિલ્હીમાં કોંગ્રેસ અને આમ આદમી પાર્ટી વચ્ચેના ગઠબંધન સામે વાંધો ઉઠાવતા પાર્ટીમાંથી રાજીનામું આપી દીધું હતું. આ બે નેતાઓની સાથે રાજકુમાર ચૌહાણ અને અમિત મલિક પણ ભાજપમાં જોડાઈ ગયા છે.

• કોંગ્રેસની પ્રતિક્રિયા

અરવિંદર સિંહ લવલીના બીજેપીમાં સામેલ થવા પર દિલ્હી કોંગ્રેસના વચગાળાના અધ્યક્ષ દેવેન્દ્ર યાદવે કહ્યું, "કેટલાક લોકોનો સ્વભાવ એવો હોય છે કે જ્યારે પિતાને સૌથી વધુ જરૂર હોય છે ત્યારે પુત્ર તેમને સૌથી વધુ પરેશાન કરે છે. કોંગ્રેસે અરવિંદર સિંહ લવલીને પુત્રની જેમ જ નોમિનેટ કર્યા છે." કોંગ્રેસે અરવિંદર લવલીને બધુ આપ્યું કોંગ્રેસ એક મોટો મહાસાગર છે.  રાજીનામું આપ્યા બાદ અરવિંદર સિંહ લવલીએ મીડિયાને સંબોધતા કહ્યું કે મેં મારા માટે નથી આપ્યું. મેં આ રાજીનામું કોંગ્રેસના કાર્યકરો માટે આપ્યું છે. તેમણે કહ્યું કે જો મારું રાજીનામું સ્વીકારવામાં આવ્યું છે તો બાવરિયા જીનો આભાર. અન્ય કોઈ પક્ષમાં જોડાવા અંગે તેમણે કહ્યું કે હું અન્ય કોઈ પક્ષમાં જોડાવાનો નથી. તેમણે કહ્યું કે કોંગ્રેસના કાર્યકરોએ એવું નથી કહ્યું કે અમે વર્તમાન કેજરીવાલ સરકારને ક્લીનચીટ આપી છે. તેમણે કહ્યું કે મેં મારા દિલની પીડા અને દિલ્હીના તમામ કોંગ્રેસ કાર્યકર્તાઓની પીડા કોંગ્રેસ પાર્ટીના રાષ્ટ્રીય અધ્યક્ષને મોકલી છે. મારી પીડા સિદ્ધાંતો વિશે છે.

•  લવલી સિંહનો હીતિહાસ શુ છે ?

1998માં 30 વર્ષીય લવલી દિલ્હીના સૌથી યુવા ધારાસભ્ય બન્યા હતા. તેઓ શીલા દીક્ષિત સરકારમાં રાજ્યના સૌથી યુવા મંત્રી પણ હતા. શીલા દીક્ષિતના કાર્યકાળ દરમિયાન તેમને શિક્ષણ, પરિવહન અને શહેરી વિકાસ જેવા મહત્વપૂર્ણ મંત્રાલયો મળ્યા. લવલી મંત્રી બનતાની સાથે જ બ્લુ લાઈન બસોની જગ્યાએ નવી અને વધુ સારી સિસ્ટમ દાખલ કરવામાં આવી હતી. મંત્રી તરીકેના તેમના કાર્યકાળ દરમિયાન, આર્થિક રીતે નબળા બાળકો માટે ખાનગી શાળાઓમાં 25 ટકા અનામત લાગુ કરનાર દિલ્હી પ્રથમ રાજ્ય બન્યું. 2013માં તેમના નેતૃત્વમાં કોંગ્રેસને હારનો સામનો કરવો પડ્યો હતો. જોકે, તેમણે આમ આદમી પાર્ટીને સમર્થન આપ્યું હતું. 2015માં કોંગ્રેસને કારમી હારનો સામનો કરવો પડ્યો હતો. 2017માં તેઓ ભાજપમાં જોડાયા હતા. 2018માં ફરી કોંગ્રેસમાં પરત ફર્યા. હવે તેઓ ફરીથી કોંગ્રેસ છોડીને ભાજપમાં જોડાયા છે.