સોલિંગનના 650 વર્ષ નિમિત્તે આયોજિત પાર્ટી દરમિયાન રાત્રે એક અજાણ્યા શખ્સે લોકો પર ચાકુથી હુમલો કર્યો, જેમાં ત્રણ લોકોના મોત થયા છે અને ઘણા લોકો ઘાયલ થયા છે. ઘટના બાદ હુમલાખોર સ્થળ પરથી નાસી જવામાં સફળ રહ્યો હતો. જર્મનીના સોલિંગનમાં એક ઇવેન્ટ દરમિયાન અજાણ્યા હુમલાખોરે લોકો પર ચાકુથી હુમલો કરી દીધો, જેમાં ઓછામાં ઓછા ત્રણ લોકોના મોત થયા છે અને 4 લોકો ઘાયલ હોવાનું કહેવાઈ રહ્યું છે. અહેવાલો અનુસાર, સોલિંગનની 650 વર્ષ પૂરા થવાના પ્રસંગની ઉજવણીમાં આયોજિત પાર્ટી દરમિયાન શુક્રવારે રાત્રે આ હુમલો થયો હતો. ઘટના બાદ હુમલાખોર સ્થળ પરથી ફરાર થઈ ગયો હતો. સ્થાનિક અખબારના અહેવાલો અનુસાર, આ હુમલો સેન્ટ્રલ સ્ક્વેર ફ્રેનહોફ પર થયો હતો. જ્યાં લાઇવ મ્યુઝિક માટે સ્ટેજ બનાવવામાં આવ્યું હતું. હુમલાની માહિતી મળતાની સાથે જ પોલીસ ઘટનાસ્થળે પહોંચી અને ઘાયલોને તાત્કાલિક હોસ્પિટલ લઈ જવામાં આવ્યા. સાથે જ લોકોને વિસ્તાર ખાલી કરવા કહ્યું. આ સાથે પોલીસે અજાણ્યા હુમલાખોરની શોધમાં સર્ચ ઓપરેશન શરૂ કરી દીધું છે. નજીકના સીસીટીવી ફૂટેજની તપાસ કરવામાં આવી રહી છે. ઉપરાંત, પોલીસે આતંકવાદને પણ નકારી કાઢ્યો નથી. જણાવી દઈએ કે સોલિંગનની સ્થાપનાની 650મી વર્ષગાંઠ નિમિત્તે શહેરમાં કાર્યક્રમોનું આયોજન કરવામાં આવી રહ્યું છે. સોલિંગનની વસ્તી 1 લાખ 60 હજાર છે અને તે કોલોન અને ડસેલડોર્ફના મોટા શહેરોની નજીક સ્થિત છે. એક સ્થાનિક અખબારે અહેવાલ આપ્યો છે કે અધિકારીઓએ લોકોને શહેરનો વિસ્તાર છોડી દેવા કહ્યું છે. એક જર્મન સમાચાર એજન્સીના અહેવાલમાં અનામી પોલીસ સૂત્રોને ટાંકીને કહેવામાં આવ્યું છે કે હથિયાર ચાકુ હોવાનું માનવામાં આવી રહ્યું છે અને હજુ સુધી કોઈની ધરપકડ કરવામાં આવી નથી.
.jpeg)
.jpeg)
.jpg)
.jpeg)
.jpeg)
.jpeg)
.jpeg)
