પાકિસ્તાનના કબજા હેઠળના કાશ્મીરમાં ઘઉંના લોટ અને વીજળીના ઊંચા ભાવ સામે આંદોલન કરી રહેલા સુરક્ષા દળો અને વિરોધીઓ વચ્ચેની હિંસક અથડામણમાં એક પોલીસ અધિકારીનું મોત થયું છે અને 100થી વધુ લોકો ઘાયલ થયા છે. ઘાયલોમાં મોટાભાગના પોલીસકર્મીઓ છે. રવિવારે મીડિયા રિપોર્ટ્સમાં આ માહિતી આપવામાં આવી હતી. આ પહેલા પણ પીઓકેમાં આવા વિરોધ પ્રદર્શન જોવા મળ્યા છે.
પોલીસ અધિક્ષકે કહ્યું કે આ રેલી જમ્મુ કાશ્મીર જોઈન્ટ અવામી એક્શન કમિટી (JAAC)ના બેનર હેઠળ કાઢવામાં આવી હતી. શુક્રવારે હડતાલ વચ્ચે, PoKની રાજધાની મુઝફ્ફરાબાદના જુદા જુદા વિસ્તારોમાં પોલીસ અને દેખાવકારો વચ્ચે હિંસક અથડામણ થઈ હતી. પ્રત્યક્ષદર્શીઓએ જણાવ્યું હતું કે મુઝફ્ફરાબાદ વિભાગ અને પૂંચ વિભાગમાં સંપૂર્ણ હડતાલ હતી. પ્રાદેશિક સરકારે મોટા પાયે વિરોધ પ્રદર્શનને રોકવા માટે મોટી સંખ્યામાં પોલીસ કર્મચારીઓને બોલાવ્યા છે.ડોન અખબારના અહેવાલ મુજબ, શનિવારે વિવાદિત વિસ્તારમાં પોલીસ અને અધિકાર ચળવળના કાર્યકર્તાઓ વચ્ચે ઘર્ષણ થયું હતું અને સમગ્ર વિસ્તારની નાકાબંધી કરી દેવામાં આવી હતી. દુકાનો બંધ રાખવામાં આવી હતી. મીરપુરના વરિષ્ઠ પોલીસ અધિક્ષક (એસએસપી) કામરાન અલીએ ડૉન.કોમને જણાવ્યું કે, ઈસ્લામગઢ શહેરમાં છાતીમાં ગોળી વાગવાથી સબ ઈન્સ્પેક્ટર અદનાન કુરેશીનું મૃત્યુ થયું. કોટલી અને પુંછ જિલ્લામાં થઈને મુઝફ્ફરાબાદ જતી રેલીને રોકવા માટે અન્ય પોલીસકર્મીઓ સાથે કુરેશીને ત્યાં તૈનાત કરવામાં આવ્યા હતા.
એસએસપી યાસીન બેગે કહ્યું કે પ્રદર્શનકારીઓએ પથ્થરમારો અને બોટલો ફેંકવાનું શરૂ કર્યા પછી, પોલીસે કેટલાક વિસ્તારોમાં ટીયર ગેસના શેલ છોડ્યા અને હવામાં ગોળીબાર કર્યો. કોટલી એસએસપી મીર મુહમ્મદ આબિદે જણાવ્યું હતું કે જિલ્લામાં "વિરોધની આડમાં બદમાશો દ્વારા કરવામાં આવેલા હુમલાઓમાં" ઓછામાં ઓછા 78 પોલીસકર્મીઓ ઘાયલ થયા છે.
.jpeg)
.jpeg)
.jpg)
.jpeg)
.jpeg)
.jpeg)
.jpeg)
