પેરિસ ઓલિમ્પિકમાં ભારતીય નિશાનેબાજ મનુભાકરે શુટિંગમાં બ્રોન્ઝ મેડલ જીત્યો છે....  

નિશાનેબાજ મનુ ભાકરે ઇતિહાસ રચ્યો છે. મનુએ પેરિસ ઓલિમ્પિકમાં 10 મીટર એર પિસ્ટલ ઇવેન્ટમાં બ્રોન્ઝ મેડલ જીતી ભારતને પહેલું મેડલ અપાવ્યું છે. મનુ ઓલિમ્પિકમાં મેડલ જીતનાર પહેલી ભારતીય શૂટર બની ગઈ છે. ભારતનુ વર્તમાન ઓલિમ્પિકમાં આ પહેલું મેડલ છે.મનુ ભાકરનો જન્મ હરિયાણાના ઝઝ્ઝર જિલ્લાના ગોરિયા ગામમાં થયો હતો. તેમના પિતા રામ કિશન ભાકર મર્ચેન્ટ નેવીમાં ચીફ એન્જીનિયરના પદ પર છે. 14 વર્ષની ઉંમર સુધી ભાકરે મણિપુરી માર્શલ આર્ટ જેવા અન્ય ખેલોની સાથે સાથે કુસ્તી, ટેનિસ અને સ્કેટિંગમાં પણ શાનદાર પ્રદર્શન કર્યું અને આ ઈવેન્ટ્સમાં નેશનલ ગેમ્સમાં મેડલ જીત્યા.

મની ભાકર પેરિસ 2024માં પોતાની બીજી ઓલિમ્પિકમાં ભાગ લઈ રહી છે. તેણે ટોક્યોમાં 2020માં ડેબ્યૂ કર્યું હતુ, પરંતુ 10 મીટર એર પિસ્ટલ ક્વોલિફિકેશન દરમિયાન તેની પિસ્ટલ ખરાબ થઈ જવાથી તેને મેડલથી વંચિત રહેવું પડ્યું હતુ. મિક્સ્ડ ટીમ 10 મીટર પિસ્ટલ અને 25 મીટર પિસ્ટલ સ્પર્ધામાં પણ તે મેડલ જીતવામાં સફળ થઈ નહોતી.મનુએ વર્ષ 2018 કોમનવેલ્થ ગેમ્સમાં મહિલાઓની 10 મીટર એર પિસ્ટલ ઈવેન્ટમાં ગોલ્ડ મેડલ જીત્યો હતો. તે પણ ફક્ત 16 વર્ષની ઉંમરમાં જ . તો વળી તેમણે 2022 એશિયન ગેમ્સમાં મહિલાઓની 25 મીટર પિસ્ટલ ઈવેન્ટમાં ઈશા સિંહ અને રિદમ સાંગવાન સાથે ભારત માટે ગોલ્ડ મેડલ જીત્યો હતો.