ભારત સામે રમાઈ રહેલી ટેસ્ટ સિરીઝની છેલ્લી મેચમાં કુલદીપ યાદવને આઉટ કરીને તેણે એવો રેકોર્ડ બનાવ્યો જે આ પહેલા કોઈ ઝડપી બોલર બનાવી શક્યો ન હતો. એન્ડરસન ટેસ્ટ ક્રિકેટમાં 700 વિકેટ લેનારો વિશ્વનો પ્રથમ ઝડપી બોલર બની ગયો છે.
ઈંગ્લેન્ડ ક્રિકેટ ટીમના અનુભવી ફાસ્ટ બોલર જેમ્સ એન્ડરસને ટેસ્ટ ક્રિકેટમાં ઈતિહાસ રચ્યો છે. ભારત સામે રમાઈ રહેલી ટેસ્ટ સિરીઝની છેલ્લી મેચમાં કુલદીપ યાદવને આઉટ કરીને તેણે એવો રેકોર્ડ બનાવ્યો જે આ પહેલા કોઈ ઝડપી બોલર બનાવી શક્યો ન હતો. એન્ડરસન ટેસ્ટ ક્રિકેટમાં 700 વિકેટ લેનારો વિશ્વનો પ્રથમ ઝડપી બોલર બની ગયો છે.
ક્રિકેટના ઈતિહાસમાં સૌથી વૃદ્ધ અને સૌથી લાંબો સમય રમનાર ફાસ્ટ બોલર જેમ્સ એન્ડરસને 41 વર્ષની ઉંમરે નવો રેકોર્ડ બનાવ્યો છે. ભારત અને ઈંગ્લેન્ડ વચ્ચે રમાઈ રહેલી 5 મેચોની ટેસ્ટ શ્રેણીની છેલ્લી મેચની પ્રથમ ઈનિંગ દરમિયાન આ બોલરે રમતના ત્રીજા દિવસે ઈતિહાસ રચી દીધો હતો. તે 700 ટેસ્ટ વિકેટ લેનાર વિશ્વનો પ્રથમ ઝડપી બોલર બન્યો હતો.
ભારત સામેની ધર્મશાલા ટેસ્ટ મેચમાં ઈંગ્લેન્ડના ફાસ્ટ બોલર જેમ્સ એન્ડરસને 16 ઓવરમાં 60 રન આપીને 2 વિકેટ ઝડપી હતી. મેચના બીજા દિવસે સદી ફટકારનાર શુભમન ગિલને આઉટ કરનાર એન્ડરસને ત્રીજા દિવસે કુલદીપ યાદવને વિકેટ પાછળ કેચ આઉટ કર્યો હતો. આ વિકેટ તેની કારકિર્દીની સૌથી યાદગાર વિકેટ બની હતી. 68 બોલમાં 30 રન બનાવનાર કુલદીપ યાદવે તેના એક બહારના બોલ પર એન્ડરસનને ફસાવીને તેની 700મી ટેસ્ટ વિકેટ લીધી હતી.
ઈંગ્લેન્ડના ફાસ્ટ બોલર જેમ્સ એન્ડરસને ભારત સામે તેની 700મી વિકેટ લઈને ઈતિહાસ રચ્યો હતો. તે સૌથી વધુ વિકેટ લેનારા બોલરોની યાદીમાં ત્રીજા સ્થાને છે પરંતુ ટૂંક સમયમાં તે બીજા સ્થાને પહોંચી શકે છે. ટેસ્ટમાં સૌથી વધુ વિકેટનો રેકોર્ડ શ્રીલંકાના પૂર્વ સ્પિનર મુથૈયા મુરલીધરનના નામે છે. તે 800 વિકેટ સાથે પ્રથમ સ્થાને છે. ઓસ્ટ્રેલિયાનો મહાન સ્પિનર શેન વોર્ન 708 વિકેટ સાથે બીજા સ્થાને છે. ભારતના દિગ્ગજ સ્પિનર અનિલ કુંબલેએ 619 વિકેટ લીધી હતી અને તે ચોથા નંબર પર આવે છે.
.jpeg)
.jpeg)
.jpeg)
.jpg)
.jpeg)
