5 મેચોની શ્રેણીની ત્રીજી મેચ રમવા જઈ રહી છે,ભારતીય ટીમ રાજકોટમાં ઈંગ્લેન્ડ સામે... 

ભારતીય ટીમ રાજકોટમાં ઈંગ્લેન્ડ સામે 5 મેચોની શ્રેણીની ત્રીજી મેચ રમવા જઈ રહી છે. આ મેચનું પરિણામ ગુરુવાર 15 ફેબ્રુઆરી અને 19 ફેબ્રુઆરી વચ્ચે આવશે અને તે જાણી શકાશે કે શ્રેણીમાં કોને લીડ મળશે. જો મેચ ડ્રો રહેશે તો તમામનું ધ્યાન આગામી બે મેચો પર કેન્દ્રિત રહેશે. ભારતીય કેપ્ટન રોહિત શર્મા ટેસ્ટમાં સિક્સરનો નવો રેકોર્ડ પોતાના નામે કરી શકે છે. જ્યારે આર અશ્વિનની નજર બે નવા રેકોર્ડ પર રહેશે. જો ઈંગ્લેન્ડના કેપ્ટન જેમ્સ એન્ડરસન તેની 100મી ટેસ્ટ રમે છે તો તે ફાસ્ટ બોલિંગમાં નવો રેકોર્ડ બનાવી શકે છે.

ઈંગ્લેન્ડ વચ્ચે પાંચ મેચોની ટેસ્ટ સીરિઝની ત્રીજી મેચ આજથી એટલે કે 15 ફેબ્રુઆરીથી રાજકોટમાં રમાશે. આ મેદાન પર લગભગ 8 વર્ષ બાદ બંને ટીમો વચ્ચે મુકાબલો થશે. અત્યાર સુધી આ સીરિઝ 1-1થી બરાબર છે અને આજથી શરૂ થતી ત્રીજી મેચ ખૂબ મહત્વની છે કારણ કે બંને ટીમો સિરીઝમાં લીડ નોંધાવવા માંગશેજાણીતું છે કે વિરાટ કોહલી આ મેચનો ભાગ નહીં હોય, અંગત કારણોસર તે આખી સીરિઝમાંથી બહાર છે. સિરીઝની શરૂઆતની મેચમાં ઈંગ્લેન્ડે ભારતને 28 રને હરાવ્યું હતું. આ દરમિયાન વિશાખાપટ્ટનમમાં રમાયેલી બીજી ટેસ્ટ મેચમાં ટીમ ઈન્ડિયાએ જોરદાર વાપસી કરીને ઈંગ્લેન્ડને 106 રનથી હરાવીને સીરિઝને 1-1થી બરાબર કરી લીધી છે.

રાજકોટના સૌરાષ્ટ્ર ક્રિકેટ એસોસિએશન સ્ટેડિયમમાં ટેસ્ટમાં ભારતનો રેકોર્ડ અત્યાર સુધી અજેય રહ્યો છે. ટીમ ઈન્ડિયાએ 2018માં અહીં વેસ્ટ ઈન્ડિઝ સામે તેની બીજી ટેસ્ટ મેચ રમી હતી, જેમાં તેણે કેરેબિયન ટીમને હરાવી હતી. આ પહેલા ભારતીય ટીમે 2016માં ઈંગ્લેન્ડ સામે પોતાની પ્રથમ મેચ અહીં રમી હતી. જોકે બંને ટીમો વચ્ચેની મેચ ડ્રો રહી હતી. આ મેદાન પર ભારત માટે વિરાટ કોહલી, પૃથ્વી શો અને રવિન્દ્ર જાડેજાએ સદી ફટકારી છે.

BCCIએ હાલમાં જ સીરિઝની બાકીની ત્રણ મેચો માટે ભારતીય ટીમની જાહેરાત કરી હતી. જાણીતું છે કે કેએલ રાહુલ બીજી ટેસ્ટ રમી ન હતી  હવે તે ત્રીજી ટેસ્ટમાં પણ જોવા મળશે નહીં. રાહુલની જગ્યાએ દેવદત્ત પડિક્કલને ટીમમાં સામેલ કરવામાં આવ્યો છે. જોકે, સ્ટાર ઓલરાઉન્ડર રવિન્દ્ર જાડેજા ત્રીજી ટેસ્ટમાં રમે તેવી આશા છે. ઓલરાઉન્ડર જાડેજા ઈજાને કારણે બીજી ટેસ્ટમાંથી બહાર થવું પડ્યું હતું અને નેશનલ ક્રિકેટ એકેડમીમાં પરત ફરવું પડ્યું હતું. 

ભારતીય ઓલરાઉન્ડર આર અશ્વિન 500 ટેસ્ટ વિકેટ પૂરી કરવાથી માત્ર 1 વિકેટ દૂર છે. શ્રીલંકાના દિગ્ગજ ખેલાડી મુથૈયા મુરલીધરન બાદ તે આ સીમાચિહ્ન સુધી પહોંચનાર સૌથી ઝડપી બોલર બનશે. આ મેચમાં 5 વિકેટ લેવાની સાથે અશ્વિન ઘરઆંગણે રમાનારી ટેસ્ટમાં 350 વિકેટ પણ પૂરી કરી લેશે. 5 વિકેટ લેવાની સાથે જ ઈંગ્લેન્ડનો જેમ્સ એન્ડરસન 700 ટેસ્ટ વિકેટ લેનારો વિશ્વનો પ્રથમ ઝડપી બોલર બની જશે.