ટીમમાં પસંદગી ન થઈ તો નિરાશ થઈશ: શુભમન ગીલ...   

T20 વર્લ્ડ  કપ 2024 માટે ભારતીય  ટીમની ટૂંક સમયમાં જાહેરાત થવા જઈ રહી છે. રિપોર્ટ અનુસાર શુભમન ગિલની T20 વર્લ્ડ કપની ટીમમાં પસંદગી થવી મુશ્કેલ છે. હકીકતમાં, ઘણા પૂર્વ દિગ્ગજ ખેલાડીઓએ T20 વર્લ્ડ કપ માટે તેમની પસંદગીની ટીમની જાહેરાત કરી, જેમાં શુભમન ગિલને સ્થાન આપવામાં આવ્યું નથી. ઘણા લોકો માને છે કે રોહિત શર્મા અને યશસ્વી જયસ્વાલ T20 વર્લ્ડ કપમાં ભારત માટે ઓપનિંગની જવાબદારી નિભાવશે, જેના કારણે ગિલને જગ્યા નથી મળી રહી. કારણ કે વિરાટ કોહલી નંબર 3 પર હશે. આવી સ્થિતિમાં, શુભમન ગિલે હવે ટીમની પસંદગી પહેલા આ સંભાવનાઓ વચ્ચે પોતાનો અભિપ્રાય આપ્યો છે.

એક ઈન્ટરવ્યુમાં શુભમન ગિલે કહ્યું, આઈપીએલની છેલ્લી સિઝનમાં લગભગ 900 રન બનાવ્યા પછી, હું એક ખેલાડી તરીકે ચોક્કસપણે નિરાશ થઈશ. જો મારી પસંદગી નથી થતી તો પણ હું ટીમ ઇન્ડિયાના ખેલાડીઓને ચીયર કરીશ. ઘરે રહીને ટીમ ઇન્ડિયાને ભરપૂર સપોર્ટ આપીશ અને ખેલાડીઓને શુભકામનાઓ આપીશ. આ સિવાય શુભમન ગિલે વધુમાં કહ્યું કે, મેં ગયા વર્ષે 50 ઓવરનો વર્લ્ડ કપ રમ્યો હતો અને વર્લ્ડ કપમાં મારા દેશનું પ્રતિનિધિત્વ કરવાનું મારા માટે એક સપનું હતું. જો હું આ વર્ષના T20 વર્લ્ડ કપમાં સ્થાન મેળવવામાં સફળ થઉં છું તો આ મારું સપનું સાકાર થવા કરતાં ઓછું નહીં હોય. ગયા વર્ષના વર્લ્ડકપનો અનુભવ મને આ વર્લ્ડકપમાં મદદ કરી શકે છે.

શુભમન ગિલ IPL 2024 માં ગુજરાત ટાઇટન્સની કેપ્ટનશીપ કરી રહ્યો છે. શુભમન ગિલે તેની કેપ્ટનશિપથી પ્રભાવિત પણ કર્યા છે. ગુજરાતનું સુકાનીપદ મળવા અંગે ગિલે કહ્યું કે, મને તેની જાણ ત્યારે થઈ જ્યારે હું દક્ષિણ આફ્રિકામાં હતો. રોહિત ભાઈ (શર્મા) મને ખૂબ ચીડવતા હતા. તે મને કહેતા હતા, 'હવે તને બોલરો વિશે ખબર પડશે, જ્યારે તેઓ યોર્કર બોલ નથી ફેંકતા અને સિક્સર પડે છે'. સુકાનીપદ અંગે તેમની સાથે મારી લાંબી વાતચીત નથી થઈ, પરંતુ ભારતીય ટીમમાં રહીને મેં તેની પાસેથી ઘણું શીખ્યું છે.