એમએસ ધોનીને જન્મદિવસની શુભેચ્છા, 7મી જુલાઈ એ ભારતીય ક્રિકેટ ચાહકો માટે હોય દિવસ છે....

ભારતીય ક્રિકેટ ટીમના પૂર્વ કેપ્ટન મહેન્દ્ર સિંહ ધોની આજે પોતાનો 43મો જન્મદિવસ ઉજવી રહ્યો છે. આ મહાન ખેલાડીને અભિનંદન આપનાર પ્રથમ નામ તેની પત્ની સાક્ષીનું છે. જન્મદિવસના ખાસ અવસર પર માહી અને સાક્ષીનો એક ખાસ વીડિયો વાયરલ થઈ રહ્યો છે. આ વીડિયોમાં કેપ્ટન કૂલ જન્મદિવસની કેક કાપતો જોવા મળે છે અને ત્યારબાદ તેની પત્ની તેના પગ સ્પર્શ કરીને આશીર્વાદ લેતી જોવા મળે છે. આ વીડિયો જોનારા લોકો તેને વારંવાર રિપીટ કરતા જોઈ રહ્યા છે.7મી જુલાઈ એ ભારતીય ક્રિકેટ ચાહકો માટે ખાસ દિવસ છે. ભારતના સૌથી સફળ કેપ્ટન, બે વખતના વિશ્વ ચેમ્પિયન મહેન્દ્ર સિંહ ધોનીનો જુલાઈ મહિનામાં 7મીએ જન્મદિવસ છે. આંતરરાષ્ટ્રીય ક્રિકેટમાંથી સંન્યાસ લીધા બાદ પણ માહીનો ક્રેઝ ઓછો થયો નથી. ફેન્સ તેમના ફેવરિટ ક્રિકેટરને તેમના જન્મદિવસ પર પોતપોતાની રીતે શુભેચ્છા પાઠવે છે. તેમના ચાહકોની યાદીમાં તેમની પત્ની સાક્ષીનું નામ સૌથી ઉપર આવે છે. સાક્ષીએ તેના પતિ મહેન્દ્ર સિંહ ધોનીને તેના 43માં જન્મદિવસ પર શું ગિફ્ટ આપી તે તો ખબર નથી, પરંતુ કેક કાપ્યા બાદ જે વીડિયો સામે આવ્યો છે તે ફેન્સ માટે ચોક્કસપણે ગિફ્ટ છે.

7 જુલાઈ, 1981ના રોજ ઝારખંડના રાંચીમાં જન્મેલા ધોની હાલમાં અનંત અંબાણી અને રાધિકા મર્ચન્ટના લગ્ન સમારોહમાં હાજરી આપવા માટે મુંબઈમાં છે. સામાન્ય રીતે લાઈમલાઈટથી દૂર રહેતો પૂર્વ કેપ્ટન આ વખતે પોતાના જન્મદિવસ પર ખાસ લોકો સાથે છે. ધોનીના જન્મદિવસનો એક વીડિયો સામે આવ્યો છે જેમાં તે પત્ની સાક્ષી સાથે કેક કાપતો જોવા મળી રહ્યો છે. ત્યાં હાજર લોકો ધોનીની પત્ની સાક્ષીને કેક કાપતાની સાથે જ તેને ચહેરા પર લગાવવા કહે છે. તે તેનો એક નાનો ટુકડો તેના પતિના નાક પર લગાવે છે અને પછી તેના ચરણ સ્પર્શ કરે છે અને આશીર્વાદ લે છે.