અનંત-રાધિકાના પ્રી-વેડિંગ ફંક્શનમા માટે જામનગર પહોંચ્યો સલમાન ખાન, આવતીકાલથી ત્રણ દિવસનું ફંક્શન...  

ભારતના સૌથી ધનિક બિઝનેસ ટાયકૂન મુકેશ અંબાણીના પુત્ર અનંત અંબાણી ટૂંક સમયમાં રાધિકા મર્ચન્ટ સાથે લગ્ન કરવા જઈ રહ્યા છે. બંનેની પ્રી-વેડિંગ સેરેમની 1 માર્ચથી ગુજરાતના જામનગરમાં શરૂ થવા જઈ રહી છે. અનંત અંબાણી અને રાધિકા મર્ચન્ટના પ્રિ-વેડિંગ ફંક્શન માટે બોલિવૂડ સ્ટાર્સ પણ જામનગર પહોંચવા લાગ્યા છે. બોલિવૂડ ઈન્ડસ્ટ્રીનો સુપરસ્ટાર સલમાન ખાન પણ જામનગર પહોંચી ગયો છે અને તેનો વીડિયો સામે આવ્યો છે.

લગ્ન પહેલા 1 થી 3 માર્ચ સુધી ગુજરાતના જામનગરમાં પ્રી-વેડિંગ ફંક્શનનું આયોજન કરવામાં આવ્યું છે. આ દરમિયાન આ મોટા લગ્નમાં સામેલ થવા માટે સુપરસ્ટાર સલમાન ખાન પણ જામનગર પહોંચી ગયો છે. સલમાન ખાનનો એક વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. વીડિયોમાં ભાઈજાન બ્લુ જીન્સ અને ઓલિવ ગ્રીન કલરનો લૂઝ શર્ટમાં જોવા મળી રહ્યો છે.

સલમાનની આ સ્ટાઈલ એકદમ કેઝ્યુઅલ છે. તમને જણાવી દઈએ કે જામનગર અંબાણી પરિવારનું ઘર છે, જ્યાં અનંત અંબાણી અને રાધિકા મર્ચન્ટના પ્રી-વેડિંગ ફંક્શન યોજાયા છે.