દેશને સૌથી મોટી ફિલ્મ સિટી આપનાર રામોજી રાવનું નિધન, 87 વર્ષની વયે અંતિમ શ્વાસ લીધા....

રામોજી ફિલ્મ સિટીના સ્થાપક રામોજી રાવનું નિધન થયું છે. રામોજી રાવ લાંબા સમયથી બીમાર હતા અને હૈદરાબાદની એક હોસ્પિટલમાં તેમની સારવાર ચાલી રહી હતી. રામોજી રાવે શનિવારે સવારે 87 વર્ષની વયે દુનિયાને અલવિદા કહી દીધું. રામોજી રાવના નિધનથી શોકનું મોજુ ફરી વળ્યું હતું. ફિલ્મ ઈન્ડસ્ટ્રી સાથે જોડાયેલા લોકો રામોજી રાવને શ્રદ્ધાંજલિ આપી રહ્યા છે. આ સાથે જ વડાપ્રધાન નરેન્દ્ર મોદીએ પણ ઈનાડુ ટીવી અને રામોજી ફિલ્મ સિટીના સ્થાપક રામોજી રાવના નિધન પર શોક વ્યક્ત કર્યો છે. પીએમ મોદીએ પોતાના ટ્વિટર હેન્ડલ પર શોક સંદેશ લખ્યો છે.રામોજી રાવ લાંબા સમયથી હૃદય સંબંધિત બિમારીથી પીડિત હતા અને શ્વાસ લેવામાં તકલીફ થઈ રહી હતી. રામોજી રાવની બગડતી તબિયતને જોતા તેમને 5 જૂને હૈદરાબાદની એક હોસ્પિટલમાં દાખલ કરવામાં આવ્યા હતા. જ્યાં રામોજી રાવે શનિવારે સવારે 87 વર્ષની વયે અંતિમ શ્વાસ લીધા હતા. સોશિયલ મીડિયા દ્વારા રામોજી રાવના નિધન પર લોકો શોક વ્યક્ત કરી રહ્યા છે.

વડાપ્રધાન નરેન્દ્ર મોદીએ પોતાના ટ્વિટર હેન્ડલ પર લખ્યું છે કે, રામોજી રાવના નિધનથી ખૂબ જ દુઃખી છું. તે એક સ્વપ્નદ્રષ્ટા હતી જેણે ભારતીય મીડિયામાં ક્રાંતિ લાવી હતી. તેમના યોગદાનએ પત્રકારત્વ અને ફિલ્મ જગત પર અમીટ છાપ છોડી છે. તેમના અથાક પ્રયાસોને લીધે, તેમણે મીડિયા અને મનોરંજન જગતમાં નવીનતા અને શ્રેષ્ઠતા માટે નવા ધોરણો સ્થાપિત કર્યા. રામોજી રાવને ભારતના વિકાસ માટે ખૂબ જ જુસ્સો હતો. હું ભાગ્યશાળી છું કે તેમને મળવા અને વાત કરવાની ઘણી તકો મળી. આ મુશ્કેલ સમયમાં તેમના પરિવાર, મિત્રો અને અસંખ્ય ચાહકો પ્રત્યે મારી સંવેદના.

• રામોજી રાવે દેશની સૌથી મોટી ફિલ્મ સિટી બનાવી

રામોજી રાવની વાત કરીએ તો તેમનો જન્મ વર્ષ 1936માં થયો હતો. તેમનું પૂરું નામ ચેરુકુરી રામોજી રાવ હતું. રામોજી રાવ એક સફળ ઉદ્યોગપતિ, ફિલ્મ નિર્માતા અને મીડિયા ટાયકૂન હતા. રામોજી રાવે રામોજી રાવ જૂથની સ્થાપના કરી હતી અને તેમાં ફિલ્મ સ્ટુડિયો, રામોજી રાવ ફિલ્મ સિટી, ETV નેટવર્ક અને ફિલ્મ નિર્માણ કંપનીનો સમાવેશ થાય છે. રામોજી રાવે હૈદરાબાદમાં દેશની સૌથી મોટી ફિલ્મ સિટી બનાવી હતી. રામોજી રાવને પદ્મ વિભૂષણથી સન્માનિત કરવામાં આવ્યા હતા.